北海道夏季自駕遊 Day 1

等左1年終於都出發啦～gogogo~

10：40~16:05 香港～成田

原本一早已到機，預早時間嘆早餐，行街街
點知真係行街行過頭，last minutes先衝去登機
換來地勤小姐一個好燦爛既假笑對待
我都係第一次最後一位上機，坐低唔夠一分即開機

今次我地係用里數換機票，但JAL無因為免費機票客而待薄我地
仲好好心幫我地安排一齊坐，唔似國泰咁當我地二等公民

真係要讚日本人既細心，飛機餐會有塊保溫板保溫

到達啦～好好天啊～暫時未被浣熊（颱風）侵襲

拎完行李就搭京成acess去押上站

原本諗住將行李寄存locker， 但太貴啦～
所以我地拉住行李係商場（晴空鎮）行

有龍貓專門店，係隔離個樓梯影到晴空塔

適逢7月大減價，真係好難忍手，第一日已經荷包解放，
收穫係1件衫，1條裙，2個髮夾&髮圈

仲有係Disneyland見到呢d公仔好得意，忍唔住買左一對

晚餐係food court解決

食左築地章魚燒&烏冬

本來想食埋一風堂，但太飽無食

行完街，最後係超市買定聽朝既早餐，
仲有特價刺身同水果做宵夜，好正啊～

我地搭一個站去淺草落車~

拉住兩個行李行左去雷門到此一遊

我仲求左支簽

唔好既簽就掛係呢度~

一路行去雷門既正門

 雷門對面就係旅遊中心，果然淺草夜晚既景唔錯

 仲巧遇淺草區出沒的熊貓旅遊巴，好可愛~

去酒店前去便利店買塊牛肉餅食，有好多sake~(大愛)

 行返去南車站附近~

行左10分鐘，終於都到我地既酒店
酒店房好細，真係好迫~
設備尚算齊全，仲有漫畫提供~

但有樣好sweet，兩隻紙鶴送比我地既祝福

今日既戰利品，個環保袋係買衫送架~

恤衫+菠蘿裙都係5000yen~好抵啊~~~