沖繩家族之旅~住宿篇

原本係未訂機票前已睇中一間盒於北谷町的Sunny stay(按此)
佢地係屬於apartment hotel~有唔同種類既房間，而且價廉物美
適合我地今次既人數，可以揀4DN1，有3間房間，其中間係套房
屋內有廚房，兩個厠所，洗衣機，乾衣機齊備，露台有按摩浴缸
而每晚價錢Around hkd3xxx，即每人每晚hkd 4xx，超值~

客廳好大~仲要落地玻璃望海的

其中一間房間

露台的按摩浴缸

可惜~~~~我遲了book，full booking 了~~~

家人都prefer apartmetn形式既酒店，所以又要經一輪搜尋啦~

終於比我搵到呢間民宿(按此)，有兩間民宿，都係位於中部

一間係宜野灣，一間係浦添，其實宜野灣果間比較大，

但又係太遲book晒~所以就揀左浦添果間

呢間都係有3間房，1間有兩張單人床，1間1張雙人床，另1間有張碌架床

廚房，洗手間，洗衣機，乾衣機都有~連嬰兒用品都有~good~!

而且呢間仲包埋早餐tim~但價錢就.....每人每晚hkd9xx，好貴~~~~

但怕搵唔到更好，所以即上jalan訂左先~唔要先取消吧~!

後來同爸爸傾沖繩之旅，佢話好想係沖繩游水同釣魚(我爸愈老愈可愛~)

所以我又再搵下海邊既酒店啦~最後比我搵到vessel hotel campana okinawa

位於美國村旁邊，所有房間都係望海，但就唔係apartment hotel

我揀選左1間4床房，1間雙床房，4人房加1人，我同老公share1張床跟爸媽弟1間

而魚姐一家3口就訓雙人房啦~

呢間酒店吸引之處就係幾分鐘去到海灘，幾分鐘就行到去美國村

而且仲有個望海既大浴場~真係好正啊~

唔知到時魚媽肯唔肯同我上去浴場呢~?

而呢間酒店係包自助早餐，時間由7am-10:30am，時間都好長

價錢方面，粗略計過每人每晚hkd6xx，可接服的價錢