食返尋晚係超市買既早餐
臨走影下我地住既酒APA，可以係前街或後街入去
有間中國餐館，香港飲茶style~
我地往都營藏前站方向行，終於見到間麥記，
真係搬死人地老公~~~
落到車站，好彩係行錯方向，如果唔係又要行上地面先過到對面月台
都有唔小人好早出門返工喎~定係尋晚直情無返屋企呢?!
好無聊地幫糖生糖太影寫真，今次佢地有和服造型
搭左50分鐘車程，終於到達羽田機場啦~
急不及待搵JAL counter，快快check in就可以行街街
人人話羽田機場有個江戶村造型商店，但我找不到
不過兩邊都有好多商店行，有好多不同類型手信
仲有我諗住買上機食既便當(不過最後無買到)
我地買左幾個飯團食，牛肉飯團，味道還可
入到禁區了~
9點準時起飛啦~
我地太早起身，全程機都好訓著左~
係最後15分鐘降落時先起身，同前排既日本小朋友玩
內陸機唔洗過海關&攪入境手續，好快就可以拎行李
首先上去post office拎返係TOCOO預訂既wifi蛋同ETC card
post office位於2/F的商店群入面，新千歲機場真係好大
入面有成個商場行，回程真係要預留時間行下
之後，我地就落去地下搵返Burget car counter
等左10分鐘左右，就有車泥接我地去拎車啦~
個司機哥哥超熱情，一邊介紹北海道既資料我地知
又話會落雨，同埋尋日有輕微地震
到店後都係呢位哥哥幫我地攪手續
攪惦晒~出去拎車啦~
架車好細，但車箱比想像中大，都算行得耐(已行14xxx公里)
出發啦~
經過兩年前去沖繩自駕遊後，對於GPS操作熟練好多
行左無耐已上高速公路.....但係.................有點唔妥
由於車仔只有1500CC，力度唔夠，最高速只有140km/hr
而且車仔太細同輕，上到高速公路勁飄，所以往後大多時間係老公駕駛
行左都成個鐘先去到我地北海道第一個目的地--場外市場
兜左一圈，就泊係北のグルメ亭門口，入去享用我地北海道第一個午餐
我的蟹肉丼(皇帝蟹腳肉+毛蟹+三文魚子)
其實我對蟹無特別大愛，但泥到唔食蟹又唔抵
而呢個丼的三文魚子是最令我喜出望外，可能香港的太差
d三文魚子軟林林，輕輕禁佢已經流晒d汁出泥，撈飯食好正
同埋最重要係一d都唔腥
老公的雜錦海鮮丼
老公對帶子讚不絕口，反而我好鍾意海膽(後來先知係馬糞海膽)
好甜~好鮮~入口即溶
仲有飯後甜品~~紅肉蜜瓜
這個不算很甜，但對於第一口係日本食既蜜瓜，都已大讚
食飽飽結賬後，就出去市場逛逛
來回格價後，買左3條真空粟米(500yen)，兩包真空男爵薯仔(350yen)
而最最最瘋癲係...我地竟然係第1日就買左一箱夕張蜜瓜(揀d最生既~)
老闆娘太慷慨，比我地試晒唔同品的蜜瓜，對於我地優品已好甜
所以我地決定要一箱(5個)優品，好似價錢係1萬2千幾yen左右
但最後我地返香港時，見到個箱先知原來老闆比錯良品我地~
後記︰蜜瓜走遍半個北海道，由同我地見面時好生，都走時已熟絡晒
我地6日都充滿著蜜瓜味，佢亦都受盡每一個城市的太陽...
最後，返來香港發現係坐車"凳"散d肉，味道怪怪的~浪費了~
以後大家想買蜜瓜，一係編最後一日來市場，一係要求人家送去你最後一天的酒店
行行下都唔覺，都成3點幾，直接去酒店check in
酒店check in後，留低架車係酒店，我地就出發去大通公園同地下街
酒店位於薄野區附近，所以有好多呢d色情架部
行過對面的lawson買個haagen daz雪糕，檸檬薑&蜜桃
之後就一路行去地下街方向
薄野區既繁盛
行左落地下街，去左網友們都去既3coins，d野好抵啊~
之後去下一站既sapporo sweet factory
老公好鍾意呢個~滴漏咖啡，佢話蛋糕麻麻，但咖啡好飲
之後一路都落雨，我地就係地下行來行去
見有停左雨就上去大通公園行下
天陰陰都無咩心機行~於是又行去狸小路方向去~
因為要幫哥仔家姐買野，所以行去藥妝店，但一路搵唔到
原來要去札幌車站既百貨公司買架~所以就搭一個站過去啦~
行行行行~搵極都搵唔到係邊，最後多得伊勢丹既reception姐姐幫忙
佢真係好好好好熱心啊~帶到我地去隔離個商場既舖頭
日本人真係好好，怪唔得香港人咁崇日啦~
買完野就過左伊勢丹10樓既拉麵共和國食麵
揀左呢間一期一會
隻蛋煮得好好食，湯底都唔錯~
之後行返落去買暖水壺，應該百貨公司會平d gor~
然後又搭返車去狸小路，同老公趕去之前見到既sake店買酒
再去返狸小路趕住藥妝店關門前掃貨
再行埋驚安之殿堂買手信就返歸啦~
是日真係腳斷之日~~~
