復活的曼谷之旅~~

其實係新年前已跟老媽傾好去曼谷，佢仲去公司遞晒紙申請免費酒店房
完全無諗過竟然比佢book到，仲要係踏正復活假，唔洗請假去，正~!

但一路去到3月中，曼谷黑色旅遊警示一路都無除下，加上機票要成4-5千
我地開始對去曼谷既欲望大大減低....

所以係3月中時，老媽就話返公司取消酒店booking....

之後....老媽聽同事話香港航空有2千幾蚊機票
由於老媽被同事嘲笑而心有不甘，所以叫我上網睇...
OH~MY~GOD~~~~~~~
真係有2千幾蚊既機票啊~~~
於是老媽又飛奔返公司撈返個Booking...
點知...又比佢撈到

所以，我地復活節會去曼谷旅行啦~~~~
果然好應節，死而復生~哈哈

可惜係....我地遲左d買機票，又貴返...
最後機票每人都要$3200..都巧貴~
而時間都極之唔理想，午機去早機返
實際係...我地玩得兩日半~

好啦~我地安慰自己可以住6星酒店啦!