安排好由早到晚都由自己煮~不過最後下晝無煮出去食下午茶
一早起身為老公整左個魚魚style english breakfast
中間果兜係bacon egg，加入鹽&香草，巧巧食
下晝開小米位睇左《狂舞派》，真係好好睇，令我諗起以前讀書時候
以前讀書時我都有參加danso，日日放學都去練舞，雖然跳得唔好，但好開心
晚餐就煮左係阿信屋買返泥既三文魚，可惜家中無電子蒸爐
我都好想跟鬼嫁咁整慢煮三文魚，最後跟佢既食譜整左焗三文魚(食譜)
我落多左d蔬菜，但用150度焗太低，d瓜菜唔夠熟，所以焗完拎出三文魚
然後我再調到150度將蔬菜焗多15分鐘
除左焗三文魚，仲整左花花椰菜(食譜)，但就無落紅蘿蔔，同埋用煙肉化豬肉
唔用鰹魚湯，用左清雞湯，最後整出泥個湯好咸，可能係煙肉緣故呱
食譜係用蒸爐煮，而我就用LC煲加明火煮的，所以時間上都有D差別
前處理工作都係跟食譜一樣，但就將椰菜放入煲後，加入雞湯750ml
加蓋用中火煮5分鐘，然後再調至小火煮25分鐘，熄火焗10分鐘，完成~
沒有留言:
張貼留言