北海道~住宿編

Day 1: 宿東京
原本打算揀住品川站的東橫in，諗住第1日到東京成田，
出去市區最直接就搭NEX'，第2日朝早又要去羽田轉機去札幌，
所以就揀NEX'同京急線共同車站的品川站(其實我係唔想再研究個複雜的鐵路圖)

後來，上網搵資料發現品川真係無野行，所以問過其他人意見
佢地建議我唔好比NEX'限死，其實可以係成田搭京成Acess express去淺草
而淺草又有都營淺草線可直去羽田

同老公商量後，再研究埋所有路線，決定改住淺草
我地經jalan訂左APA<淺草藏前>(連稅8000yen)，

由都營淺草站行去都係5分鐘，而且第1日都係得兩件行李姐~好易行~

yeah~我計過快的話可以6點多就去到淺草，仲可以行下仲見世通
夜d就影晴空塔+金色便便夜景，再行去晴空塔下的商場~

Day 2: 札幌 super hotel

第2日都係揀平價酒店，我地都係諗住有地方瞓就ok~
而且要慳返d，留返d彈藥係之後幾日既住宿上

Day 3: 小樽宏樂園(按此)

第3日住宿係小樽，呢間宏樂園係我上網做research後一見難忘
主要係因為佢有私人風呂，而且仲要係和式設計
不過聽聞佢地食物麻麻，但我唔介意，最重要係私人風呂浸溫泉

呢間酒店，係我將行程一改再改泥遷就架~好期待~~~

Day 4: 繪織之丘(按此)

第4日住宿係美瑛，呢間民宿係位於北美瑛的聖台貯水池隔離
而佢不同於其他民宿係不包食，只提供租屋，有廚房可提供煮食
所以我地決定到時去超市買特價和牛去shabu shabu~

而風景方面，因為佢位處於聖台貯水池隔離，好似置身於歐洲既湖邊
來自人地既blog的~就係個露台望到個貯水池，個view勁正

呢個都係我地期待既地方~


Day 5: Pension Landscape Furano(按此)
呢間唔係我最初心水，原本想住spoon valley，但無諗過提早4個月都full booking
而係心灰意冷時，發現呢間位置中富良野，位置好夾我地要求
環境又唔錯，食物同價錢ok~所以就扑鎚了~

再上網search返評語，發現大家對佢食物評價幾高，
就係呢個雞鍋啦~好正咁~

好開心，揀到好野啊~~

Day 6: 帶廣
我地諗住係帶廣搵平價酒店，彌補返之前幾日既貴住宿
一直以來都hea住搵帶廣酒店，諗住唔怕搵唔到啦~
點知到開始準備訂，揀平價又舒服既comfort hotel或東橫in
F~U~L~L~~~~~~下~~~~~~~~~~~~~~~~
之後就去左jalan搵左間叫 「ビジネスホテルプラムフィールド」
離帶廣站比較近，又價錢ok~7400yen/宿


Day 7: Airport terminal hotel(按此)

最後一晚係住係新千歲機場~因為第二日我地要搭早機去東京返香港
為起一晚每人hkd5xx，我覺得好貴.....但硬食
唯一安慰係包浸溫泉，同埋c服d,又可以係機場shopping~(苦笑)