所以一早就起身準備定早餐，扮日本太太準備早餐比老公
今朝早餐係食埋尋日食淨既烏冬，整做冷烏冬+芝麻醬
仲有玉子燒加十勝牛奶，好奇怪的早餐~=,="
之後就執拾細軟(日日執行李好煩~)準備出發
我見到住我地下面間民宿的人，比我地仲早出發啊~
臨走去民宿對開的聖台水庫影張相，我諗秋天或冬天來更好
好啦~正式出發啦~
沿住呢條路就出發去大馬路再去返美瑛
天氣又鬼咁好呢~~
第一站就係亞斗夢之丘，因為要收錢，所以門口影張相就算
之後，我地就去左附近的北西之丘展望公園
公園隔離有幾間商店~
遠遠晀望會見到原本想訂既民宿Spoon valley精靈之村
我係今年年頭已去預訂，但都好快full~T^T
再下一站就係Ken & Mary之木
呢間係ken & mary隔離既民宿，路口仲有人賣生果
Ken & Mary之木
之後，就係親子之木，真係好似爸爸媽媽拖住仔仔
我覺得仔仔(中間棵樹)已經大個左好多，比起我上網睇既相
我好鍾意呢幅風景相，好sweet~
我同老公話，如果有日我有左小朋友，我會紜呢幅相放係面書做cover pic
好啦~又再去另一個景點啦~~
Mid-seven tree
美瑛每一處都可以組成一副畫，好靚
沿途經過一個小農場，有好多羊咩咩係度食草，我叫佢地都唔理我
下一站美瑛車站
好多遊客聚集，有D人唔係自駕遊搭火車泥，車站又有好多民宿主人接人
呢個係四季之情報館
想寄Postcard既朋友就要係度寄啦~
可愛的雪糕係度日曬雨淋，辛苦你了~
雖然話係美瑛市區，但都係好細，佈滿一間別墅
好鍾意佢地既別墅，門口種滿一盆盆既花，將我的dream house都要參考佢地
又開始去睇風景啦~
下一站係原本無plan，睇住地圖就去左呢度~~~
新榮之丘~嘩~喜出望外呢~好多油菜花
由於尋晚唔夠訓，所以我到一旁睇住風景休息，老公就影個飽
呢個稻草公仔係雙面人，一都係Apamen，另一面係個小女孩
下一站去探望lonely christmas tree
老公話呢個農夫好衰，種佢一棵係塊田，攪到佢好lonely
但我話就係因為得佢一棵，佢先可以有來自世界各地既人泥探佢
Anyway，佢確係好慘，好lonely~
老公整左一張相泥贈興~倍感悲傷
去旅行係開開心心架~唔好咁悲傷，快d再出發去下一個靚景
經過一塊好靚既麥田，吸引我地停低
對面又有一大塊油菜花田，好鍾意啊~
再行過幾個彎又有另一塊麥田，發現呢塊麥田成熟D，顏色深D
今日最後一塊花田，菅野農場
菅野農場係唔收入場費，有一個捐款箱，隨你喜歡比幾多
佢有商店賣紀念品維持經營，我覺得應該要支持下人地
所以我買左一束薰衣草，同埋坐低嘆下藍爵薯仔
去完菅野農場，天色開始差啦~
所以哲學之木都是到此一遊
完全參唔透為何叫「哲學之木」，我真係智慧唔夠~
下一站~青池，車程比較遠，可以係車上休息下啦~
天色都係唔好，風景有點失色
準備出發去今晚既民宿，治路經過出名既雲霄飛車之路
老公好囂張話「不外如是~」
確實睇落好似好勁，實則係著通一條大直路
好啦~到達今晚既民宿(ペンション ランドスケープふらの)，今晚可以食民宿主人整既大餐
呢張相係第二日補影的~!
民宿的則面，呢個方向係進住一大片麥田，好舒服~
一起身就好似睇住幅風景畫一樣
沒有留言:
張貼留言