沖繩家庭之旅~酒店篇

上次既北海道之旅都未完成，但呢間酒店我好想快D寫
因為我同屋企人好喜歡呢間酒店~Vessel campana okinawa hotel(按此)
0係逗留沖繩3晚，我地都係同住呢一間酒店

• 地理位置好

佢位於北谷美國村旁，步行到美國村1分鐘都唔洗
房間有兩個露台，其中一個對坐摩天輪

由機場到酒店都係40分鐘，上去北面水族館都係個半小時
酒店隔離已有一個sunset beach，雖然係人工沙灘，但水清沙幼

• 細心服務

酒店提供輪椅借用服務，只要係入住期間可免費借用
而魚媽係行動不便，需要坐輪椅代步，可惜魚媽太肥，用唔著~
酒店仲提供BB床借用，不過魚姐B唔肯訓，只係用來困住魚姐B時用~
浴室有一張小凳，原本以為係用來做腳踏入浴缸，但後來上官網睇應該係BB用
但最後我地放係車上，用作腳踏比魚媽上車

• 無敵海景浴場

一直都好唔明日本人為何喜歡浸浴，又要剝光豬(>.<)
今次諗住與其5個人爭一個厠所，不如一齊上浴場沖涼好過，慳時間~
浴場分男女浴，入到去好似去左Physical更衣室
剝光豬就入去浴場沖身，其實就好似去左個超大浴室，分左一格格比大家沖身
佢地好細心，第一格的凳係大D，比行動不便同老人家用
亦有提供BB用既凳仔同有圍欄既凳仔
男浴那邊設施更正~有分開冷熱水池，仲有桑拿房，簡直好似深圳骨場
可惜我地浪費左第一晚無上去，之後兩晚都有去享受~

• 美味早餐

同家人去旅行最好係揀有早餐提供的酒店
酒店的早餐的選擇多，日日唔同款，家人食我好開心~

酒店外出向海灘方向