塞舌爾+杜拜豪華之旅~Day4

24/7/2013
今日終於可以訓晏D,可以享用酒店早餐~
早餐廳位於山於,岩岩係正Lobby下面,個view好正~

早餐選擇唔算多,但味道非常好,每人會有一個main course(煎蛋/炒蛋配包)
然後其他係自助餐形式

餐廳係開放式的,所以有時會有雀仔飛入泥陪你食,或者係則邊樹上唱歌
有隻angry bird~

原來租車公司係lobby等我地,我地仲以為佢放低架車就走
我地仲食飽飽先施施然行上去tim~

我地租左架大發仔的四驅車,始終呢度山路比較多

check晒車之後,我地出發~!
好在電話有GPS,可以幫助下,唔怕蕩失路~

去到victoria,我地泊左架車係停車場後,就直接行去市場(街市)
呢個景點係兩位長老引頸以待~因為佢地期待shopping好耐

不過~~~market都唔算好多野買,最多都係香料,我認為留待係杜拜買好過~
行到熱辣辣,飲個特產先~椰子.

但market只收盧比,而我地只有美金同歐羅,所以我同長友女兒去左對面銀行唱錢
始終慣左香港速度,所以覺得佢地做野好慢~
而兩位長老同老公就企係度等我地,好似食霸王餐

之後我地係market行左一圈後,就行去郵局寄postcard
郵局門口有隻巨龜同海椰子

Victoria真係好細,前後都係得幾條街,我地仲行埋當地既supermarket

只可講...當地生活好簡單~

呢個以前香港都係咁樣~
呢條交通燈柱係中國乜乜會捐~

位於victoria市中心的小笨鐘

呢間係0係停車場隔離既美術館,好細呢~

都差唔多到食飯時間,但市中心餐廳都好貴
所以我地就揸車去北面d的博瓦隆區同食午餐
北面既海灘無西南面(酒店在西南面)海灘大浪,仲好風平浪靜,水更藍

吃過午飯再揸車周圍走~
去左當地既有錢人區,在海邊的別墅,每間屋隔離有個碼頭,可以直接落海

之後,我地就往馬埃島的西面進發,兜完西面就可以返到酒店
天漸漸黑啦~行山路真係好恐怖,路邊又無圍欄,有幾下我都驚到叫左出泥

由於太晏食lunch,所以返去食個杯麵就算lu~

今晚有時間,我地走左落沙灘睇星星

夜晚既泳池都幾靚~

我覺得都係馬爾代夫既星星靚d~可能當時係honeymoon卦~