ANA增加行李限額

今日收到ANA email，佢會加返變成有兩件免費寄倉行李(23kg)
嘩~正啊~之前去日本都讚嘆JAL有兩年free行李，而家ANA都有
我諗下次去旅行自己買飛，我會揀ANA啦~

沖繩家族之旅~前言

岩岩係北海道返泥兩星期，都未得閒update北海道之旅
接住要準備8月尾的沖繩之旅~~~

今年簡直係驛馬星動年，我將會係7-9月，每個月去一次旅行
對我來講，真係好開心~但接住咁去旅行，真係有點吃力
對不起~我是在晒命的樣子~

點解會吃力?? 因為plan行程都需要時間，而今次仲好有挑戰性
今次旅行扶老携幼，家中兩老(爸媽其實只有半百)，仲有未識行既BB
但我爸媽係無旅行經驗，魚姐一家去旅行多數跟團，魚弟就不用說~(需要照顧的)
只有我同老公獨擔大旗，老公覺得做領隊太大壓力，所以建議參加旅行團

搜索過坊間既旅行團，都預備會參加EGL
但後來魚姐覺得旅行團好趕，所以最後係自由行~~~

唔緊要~唔緊要~我呢隻旅遊(小)精(靈)就擔當佢地既領隊啦~~~~

原本想等下，睇下港航會唔會再有優惠機票(即超平$1xxx機票)
上星期上港航個網search下機票，發現30/8有平dd機票($1700)
用左一晚時間考慮，我總結係地始終人太多，就算再有平機票都買唔到咁多張
所以我就決定買30/8-2/9的行程，仲有係早機去午機返，時間尚可

不過....當我買完機票，發現早機7:25起飛，即我地要4點起床，5點在家出發
噢~~對家人來講好似好辛苦喎~
於是打去熱線問，睇下有無得改機票時間....
CS話特價機票無得改...嗚.......咁唯有照舊啦~辛苦魚魚一家
順便係CS訂埋BB機票，價錢係成人正價機票的10% + Fuel fee & tax($1106)

(後記︰我等左1星期，港航都無send e-ticket比我，我打返去叫佢再send，
再等左幾個鐘都無send，我就send email去問，佢地CS先打泥話會send泥。但好奇怪係..
我書面比你，做咩要口頭覆我，我覺得好似想不留記錄...)

感想︰只可提醒各位想買平機票，就要預左無質數，訂位時要份外小心
港航飛機上次去曼谷坐過，全家都對佢讚不絕口。
但經過今次，我要對佢customer service劣評....