所以今朝4點幾扎醒左，既然係咁我又再去浸個晨早溫泉先~
之後又再投入返被窩~
8點幾起身，去食早餐啦~又係好豐富喎~
9點出發去小樽~今日天氣非常好啊~
小樽真係一個好浪漫既地方，到處都有音樂盒的聲音
我地由音樂盒博物館開始行，打算行完一邊街，去到運河拍個照，再行另一邊街
第一站去到北一硝子館(後來發現整條街都有北一硝子館分店)
入面其中有間係賣酒，發現呢度D酒係貴D架~好彩係札幌有買到酒
去到北果樓一定要食夢之泡芙
味道不錯，但不是太大驚喜
好舒服啊~有太陽，有陣陣風吹來~又成條街充滿住音樂盒聲音，好優雅
經過見到有停車場，都唔平啊~>.<
好有特式既巴士，好靚~
係硝子館門口又充滿住風鈴聲音，原來係運河邊掛滿風鈴
好可愛的風鈴
個人覺得北海道的玻璃工藝品不及沖繩玻璃村的好~
客觀地評論係唔岩我地心水
不過我地都為了一套比較日式設計的Sake套裝心動
走左成條街，都決定返轉頭去買佢，一套價值around hkd 8xx
呢個係繼我地上次去沖繩買條玻璃鯨魚，另一次為藝術品付出
比起人家幾萬蚊藝術畫算是小，但對於我地呢d偽(藝)青，好貴呢~
行了一邊街，我地就去到小樽運河，今日天色好好
河邊有個伯伯在畫畫，我地幫佢買左一張
回頭再由出拔小路繼續完成另一邊的路程
走到一半，去LeTao享用今天的lunch
這個是我地千層酥
另一個係老公的朱古力蛋糕
網友果然無推介錯，這裡的蛋糕比我地前兩日在sapporo sweet factory好食多
食飽飽又繼續行啦~有間店門口放上一個麵包超人&細菌小子石像
其實呢條街大多數舖頭相同，好多手工藝品同精品賣，或者音樂盒
就算係相同，我下次都會再泥，因為這裡好有浪浸氣氛
最後行返去音樂博物館就離開出發到旭川
由小樽到旭川要揸車3小時，全程老公揸車，我就勁訓覺
所以3小時好快就過~
到達旭川就去左拉麵村，我地揀左梅光軒
老公就揀左招牌麵，而我就貪得意食辣麵，辣死了~
之後，我地就去我地預訂左既民宿~繪織之丘
呢間民宿好大，有兩間房，有個廳同開放廚房
但我都非常推介，下次再泥要多幾個人住先得
呢間民宿係只包租金，唔包伙食，所以我地要出去超市買食物
美瑛入夜好黑，無咩街燈，附近有間FIJI超市同大型100yen店
係超市同100yen店都浪費左1個鐘時間，返到民宿都已經9點幾
我就拿拿臨洗菜，切肉
今晚晚餐shabu~shabu~
除此之外，我地買左巨峰提子同士多啤利
好滿足呢~
